Óléttan í Vinum falin misvel

Það þarf oft skapandi lausnir til þess fela þungun leikkvenna í kvikmyndum og sjónvarpsþáttum. Leikkonurnar Lisa Kudrow og Courteney Cox úr Vinum urðu báðar óléttar á meðan þættirnir voru í sýningu en mismunandi aðferðum var beitt til þess að fela óléttuna. 

Lisa Kudrow var ólétt árið 1997. Í stað þess að fela þungun hennar með ýmsum blekkingum var þungunin skrifuð inn í söguþráð þáttanna. Persóna hennar, Phoebe, á þó ekki von á barni sjálf heldur gengur hún með þríbura fyrir bróður sinn en hann er kvæntur eldri konu. 

Monicu, persónu Courtney Cox, gengur illa að verða ólétt í þáttunum Vinum. Þegar Cox átti síðan von á einkadóttur sinni var það ekki skrifað inn í lokaþáttaröðina. Í stað þess var reynt að fela óléttuna með fatnaði, stundum gekk það illa og ansi ljóst að Cox var ólétt. 

Courtney Cox (lengst til hægri) var klædd í víð föt í lokaþáttum Vina. Ljósmynd/Imdb

• Blogga um frétt