Beatrice prinsessa af York á von á sínu fyrsta barni. Prinsessan er enn að sinna opinberum skyldum og lætur ekki stóra og myndarlega óléttubumbu koma í veg fyrir eins og eina skóflustungu.
Prinsessan mætti í brúnni kápu með svörtum borða til að undirstrika óléttuna þegar þess var minnst að tíu ár eru liðin síðan að heimili á vegum góðgerðarsamtakanna Forget Me Not Children var tekið til notkunar. Prinsessan er verndari samtakanna.
Beatrice gekk í hjónband með eiginmanni sínum, Edoardo Mapelli Mozzi, í fyrrasumar. Hjónin tilkynntu um væntanlegan erfingja í maí en fyrir á Mozzi einn son.