Um 350 börn spreyttu sig á að talsetja teiknimyndir um helgina í opnum áheyrnarprufum fyrir hlutverk í nýrri Tulipop-teiknimyndaþáttaröð sem fer í sýningar í Sjónvarpi Símans Premium í byrjun nýs árs.

Umboðsskrifstofa leikara, Móðurskipið, hafði umsjón með prufunum í samstarfi við Tulipop Studios sem er framleiðandi teiknimyndaþáttaraðarinnar „Margt býr í Tulipop“, en um er að ræða nýja metnaðarfulla íslenska teiknimyndaþáttaröð byggða á hinum ástsæla Tulipop-ævintýraheimi.

Allir krakkar sem mættu spreyttu sig á að tala og syngja fyrir Tulipop-persónurnar Búa, Gló, Maddý og Fredda og var mikið líf og fjör í Grósku hugmyndahúsi í Vatnsmýrinni þar sem prufurnar voru haldnar og húsið fullt af hæfileikaríkum börnum. Áætlað er að búið verði að velja í hlutverkin fyrir lok nóvember og raddupptökur fara svo fram í framhaldinu.

Helga Árnadóttir hjá Tulipop, Gunnar Árnason hjá stúdíóinu Upptekið, Sigvaldi J. Kárason leikstjóri, Signý Kolbeinsdóttir hjá Tulipop og María Hrund Marinósdóttir hjá Móðurskipinu. Ljósmynd/Mummi Lú

Tengdar fréttir

Fjölskyldulíf

Jón fangaði foreldrahlutverkið í sinni tærustu mynd

• Áslaug Arna dansaði með Ægi og móður hans
• Sonur Sigríðar Thorlacius orðinn þriggja ára
• Dóttir Leifs og Hugrúnar komin með nafn
• Júlí Heiðar og Þórdís Björk gáfu dóttur sinni nafn

» Fleiri tengdar fréttir

• Blogga um frétt