Maralee Nichols frumsýnir barnið sem hún segist hafa getið með Tristan Thompson körfuboltakappa og kærasta Khloé Kardashian. 

Á myndinni er barnið fimm daga gamalt. Hún klæðist jólanáttfötum og stillir sér upp með barnið í fanginu fyrir framan jólatré.

„Í stað þess að einblína á neikvæðni þá ætla ég að fagna því að vera móðir og gera mitt besta fyrir son minn,“ segir Nichols í yfirlýsingu. „Ég vil ekki meiri athygli frá fjölmiðlum og hef ekki áhuga á rómantísku sambandi við Tristan. Mitt markmið er að ala strákinn minn upp í öruggu, heilbrigðu og ástríku umhverfi.“

Nichols fer fram á barna­bæt­ur frá Thomp­son und­ir lög­um Kali­forn­íu­rík­is en Thomp­son reyndi að færa málið yfir til Texasrík­is þar sem hann hefði þurft að greiða lægra meðlag í því ríki. Því var vísað frá og mun því faðernismálið líklega fara fram undir lögum Kaliforníuríkis.