Ættmóðir Kardashian-fjölskyldunnar, Kris Jenner, gaf uppkomnum börnum sínum rafmagnsknúna golfbíla í jólagjöf frá framleiðandanum Moke. Alls á Jenner sex börn með tveimur fyrrverandi eiginmönnum sínum, Caitlyn Jenner og Robert Kardashian. 

„Ég fékk bleikan!“ hrópaði athafnakonan Kim Kardashian í myndbandi sem hún deildi með aðdáendum sínum á Instagram fyrr í vikunni. Á myndbandinu má sjá vönduðu golfbílana sem Jenner hafði valið handa hverjum og einum en engir tveir fengu bíl í eins lit eða mynstri. 

Samkvæmt frétt frá Daily Mail eyddi Jenner rúmlega 125 þúsund bandaríkjadölum í jólagjafir til barna sinna. Sú upphæð nemur um það bil 16 og hálfri milljón íslenskra króna. 

Kris Jenner var gift Robert Kardashian á árunum 1978-1991 og á með honum fjögur börn; Kourtney Kardashian, 42 ára, Kim Kardashian, 41 árs, Khloé Kardashian, 37 ára, og Rob Kardashian, 34 ára. Fljótlega eftir skilnaðinn við Robert gekk Kris Jenner aftur í hnapphelduna með William Bruce Jenner sem síðar varð transkonan Caitlyn Jenner. Voru þau gift á árunum 1991-2015 og eignuðust börnin Kyle og Kendall Jenner, sem eru 24 og 26 ára gamlar.

Kim Kardashian fékk bleikan golfbíl í jólgjöf frá mömmu sinni. Skjáskot/Instagram

Golfbílarnir eru ekki mjög hraðskreiðir en þeir komast upp í 25 kílómetra hraða. Skjáskot/Instagram

Tengdar fréttir

Barnabörn

„Og svo varð maður alltíeinu afi“

• Ólafur flutti til London til að vera nær barnabarninu
• Séra Svavar Alfreð fékk óvenjulega afmælisgjöf
• 34 ára OnlyFans-stjarna orðin amma
• Góð ráð þegar foreldrar þínir eru ósammála þér varðandi barnauppeldið

» Fleiri tengdar fréttir

Fjölskyldulíf

„Ég vissi að þetta væri erfitt en vissi samt ekki neitt“

• Sunneva og Baltasar þurftu samþykki fyrir nafni dótturinnar
• Prinsessan fékk nafnið Bella
• Dóttir Ingólfs og Alexöndru komin með nafn
• Jón fangaði foreldrahlutverkið í sinni tærustu mynd

» Fleiri tengdar fréttir

• Blogga um frétt