Tvíburasynir fyrirsætunnar Ashley Graham komu í heiminn á föstudaginn sem leið, 7. janúar. Hún greindi frá því á Instagram og sagði öllum heilsast vel. 

„Það gleður okkur Justin [Erving] að segja frá því að synir okkar eru komnir í heiminn. Þeir fæddust snemma í morgun hér heima og eru hamingjusamir og heilbrigðir,“ skrifaði Graham í story á Instagram og sagðist ætla að taka því rólega næstu daga. 

Graham gekk fram yfir fulla meðgöngu, 40 vikur, með drengina litlu, sem hefur vakið athygli. Hérlendis er miðað við að tvíburameðganga vari ekki lengur en 37 til 38 vikur og er meðallengd tvíburameðgöngu um 36 vikur hér að því er fram kemur á Heilsuveru. 

Tvíburarnir eru annað og þriðja barn foreldra sinna en fyrir eiga þau soninn Isaac sem verður tveggja ára nú í janúar. 

Frétt af mbl.is

Gengin 40 vikur með tvíburana

Tengdar fréttir

Meðganga og fæðing

Elín Metta og Sigurður eignuðust dóttur

• Lára og Jens Hilmar eiga von á barni
• Gulli Arnar orðinn tveggja barna faðir
• Óskarsverðlaunahafi faðir í þriðja sinn 67 ára
• Fann ekki fyrir móðurlegu eðlishvötinni

» Fleiri tengdar fréttir

• Blogga um frétt