Fjöllistamaðurinn Kanye West birti í gær myndir af börnum sínum og fyrrverandi eiginkonu, Kim Kardashian, á Instagram síðu og bað Guð að sameina fjölskylduna hans. Kardashian sótti um skilnað við West á síðasta ári en hún sagði í viðtali við Vogue, sem birtist í gær, að hún hafi ákveðið að gera breytingar á lífi sínu sem leiddu til skilnaðarins. 

Í viðtalinu sagði Kardashian að hún hafi lengi gert hluti til að gera aðra hamingjusama. Hún hafi hins vegar tekið ákvörðun um að setja sjálfa sig í fyrsta sæti og gera hluti sem gerðu hana hamingjusama. 

Frétt af mbl.is

Kardashian opnar sig um skilnaðinn

West hefur undanfarnar vikur sótt hart að fyrrverandi eiginkonu sinni og börnum í fjölmiðlum. Hefur hann gagnrýnt hana og sagt að hún reyni að halda börnunum frá honum. Þá hefur hann einnig gagnrýnt að elsta dóttir þeirra, North, fái að vera á samfélagsmiðlinum TikTok, en hún er átta ára.

Kardashian fór fögrum orðum um West í viðalinu við Vogue. „Þú getur verið sár og reiður við fyrrverandi manninn þinn, en ég held að fyrir framan börnin þá verði ég alltaf að segja þeim að pabbi þeirra sé bestur. Maður verður alltaf að vera stuðningsmaður þess sem maður elur upp börnin sín með, sama hvað er í gangi í persónulega lífinu,“ sagði Kardashian. 

Fyrr í vikunni fjarlægði West allar myndir af Kardashian og börnum þeirra sem hann hafði áður birt á Instagram. 

Tengdar fréttir

Kardashian

Afklæddi sig í tilefni af hrekkjavöku

• Kaus í fyrsta sinn 70 ára og sér eftir því
• Sonur Kim K. hæddist að forsetaframbjóðanda
• Æxli í andliti Khloé skildi eftir sig holu í kinninni
• Óþekkjanleg á tískupallinum í París

» Fleiri tengdar fréttir

Fjölskyldulíf

„Ég vissi að þetta væri erfitt en vissi samt ekki neitt“

• Sunneva og Baltasar þurftu samþykki fyrir nafni dótturinnar
• Prinsessan fékk nafnið Bella
• Dóttir Ingólfs og Alexöndru komin með nafn
• Jón fangaði foreldrahlutverkið í sinni tærustu mynd

» Fleiri tengdar fréttir

• Blogga um frétt