Beckham-fjölskyldan virðist vera í skýjunum með nýjasta fjölskyldumeðliminn sem var frumsýndur á dögunum. Yngsta dóttir Beckham-hjónanna, Harper, fékk draum sinn uppfylltan nýverið og eignaðist kanínuna Coco. 

Harper er mikill dýravinur og skein gleðin úr andliti hennar þegar kanínan Coco Beckham hafði gert sig heimakomna á heimilinu í síðastliðinni viku. Miðað við myndefni sem David Beckham deildi í sögu á Instagram var hamingjan á heimilinu allsráðandi. Loðin hvít og brún kanínan fékk óskerta athygli frá fjölskyldunni og virtist líka vel við faðma þeirra.  

Harper og Coco Beckham. Skjáskot/Instagram

„Kanínu ást,“ skrifaði fjölskyldufaðirinn við mynd af dóttur sinni sem gat ekki hætt að brosa yfir nýjustu viðbótinni. David deildi einnig myndskeiði af sjálfum sér liggjandi á gólfinu við kanínubælið og gaf Coco „nebbakoss“.

Þá greindi Victoria Beckham líka frá komu kanínunnar inn í fjölskylduna með krúttlegum myndum af þeim Harper og Coco. „Harper fékk kanínuna sína í hendurnar í dag,“ sagði Victoria.

Þetta er sennilega ein heppnasta kanína í heimi.

Tengdar fréttir

Beckham-fjölskyldan

Sér eftir að hafa stækkað brjóstin

• Beckham-fegðin bara tvö saman í New York
• Kærasta Beckham í íslenskri hönnun í Himalajafjöllum
• Hvar er Rebecca Loos í dag?
• Beckham ætlar að eiga síðasta orðið

» Fleiri tengdar fréttir

Fjölskyldulíf

„Nú þarf bara að taka einn dag í einu“

• „Ég vissi að þetta væri erfitt en vissi samt ekki neitt“
• Sunneva og Baltasar þurftu samþykki fyrir nafni dótturinnar
• Prinsessan fékk nafnið Bella
• Dóttir Ingólfs og Alexöndru komin með nafn

» Fleiri tengdar fréttir

• Blogga um frétt