Breska tónlistarkonan Jessie J segist vera staðráðin í því að eignast barn á næstu tveimur árum. Stjarnan greindi frá því í nóvember að hún hefði misst fóstur en lætur það ekki draga úr sér. 

Hinn 33 ára gamla Íslansvinkona hefur talað opinskátt um ófrjósemisvanda sinn. Hún var greind með endómetríósu árið 2014 og sögðu læknar henni að hún gæti þurft að fara í legnám. Í fyrra varð hún ólétt ein en meðgangan gekk illa. Þrátt fyrir það sagði Jessie J í hlaðvarpsþættinum Rule Breakers á dögunum að mikil gleði hefði fylgt óléttunni. 

„Ég er þakklát fyrir að hafa fundið fyrir gleði og er þakklát fyrir að hafa orðið ólétt,“ sagði stjarnan að því fram kemur á Yahoo! News. „Ég varð ólétt og það var ótrúlega lífsreynsla.“ Henni hefði verið sagt að hún ætti aldrei eftir að getað eignast barn sjálf. Hún grét því af gleði þegar hún fann fyrir mórgunógleði. 

Frétt af mbl.is

Gleðin breyttist í sorg hjá Jessie J

Jessie J var spurð í hlaðvarpsþættinum hvort hún vildi eignast barn fljótlega. „Já, 100 prósent. Mig langar algjörlega í barn á næstu tveimur árum. Ef ég get. Hvernig sem það gerist, náttúrulega, með staðgöngumóður, tæknifrjóvgun, ættleiðingu, hvernig sem er,“ sagði Jessie J og sagðist vera opin yfir öllum leiðum. 

Tengdar fréttir

Ófrjósemi

Opnar sig um umdeilda viðtalið við Blake Lively

• Svona viðheldur þú heilbrigðu sæði
• Tvíburar fæddust með 6 mánaða millibili
• Fór í gegnum 5 glasafrjóvgunarmeðferðir og 3 eggheimtur
• 63 ára og vill eignast barn með unga eiginmanninum

» Fleiri tengdar fréttir

Meðganga og fæðing

Elín Metta og Sigurður eignuðust dóttur

• Lára og Jens Hilmar eiga von á barni
• Gulli Arnar orðinn tveggja barna faðir
• Óskarsverðlaunahafi faðir í þriðja sinn 67 ára
• Fann ekki fyrir móðurlegu eðlishvötinni

» Fleiri tengdar fréttir

• Blogga um frétt