Grínistinn Nick Cannon og Brittany Bell eignuðust son hinn 30. september síðastliðinn, en drengurinn er þriðja barn þeirra saman og tíunda barn Cannons. Sonurinn kom í heiminn nokkrum dögum á eftir níunda barni Cannons, en hann eignaðist dóttur með fyrirsætunni LaNisha Cole hinn 15. september.

Cannon á nú tíu börn með sex konum og virðist alsæll með fjölskyldu sína sem fer sífellt stækkandi.

Frétt af mbl.is

Pabbi í níunda sinn og tvö til viðbótar á leiðinni

Erfið fæðing

Litli drengurinn hefur þegar fengið nafnið Rise Messiah Cannon, en fyrir eiga Cannon og Bell fimm ára son og eins árs dóttur. Cannon birti langa færslu á Instagram-reikningi sínum þar sem hann tilkynnti gleðifregnirnar og lýsti erfiðri fæðingu sonar síns.

„Þetta var líklega erfiðasta fæðing sem ég hef orðið vitni að. 48 klukkustundir af ömurlegum sársauka og lífshættu til að taka á móti tíu pundum af ást og gleði sem heitir Rise Messiah Cannon,“ skrifaði Cannon og þakkaði Bell fyrir að vera klett sinn í gegnum þetta allt. „Hún hefur kennt mér svo margt um uppeldi, sálfræði, andlega heilsu, ást og bara lífið almennt,“ bætti hann við.

Tilkynnir hverja óléttuna á eftir annarri

Cannon virðist hvergi nær hættur að stækka fjölskyldu sína, en hann á von á sínu ellefta barni með Abby De La Rosa. Samkvæmt heimildum Sun er von á barninu í árslok. Fyrir eiga þau eins árs gamla tvíbura.

Tengdar fréttir

Frægir fjölga sér

Unnur Eggerts á von á öðru barni

• Nadine og Snorri eiga von á öðru barni
• Þráði að eignast barn með Hafþóri
• Dóttir Ingólfs og Alexöndru komin með nafn
• Fannar og Valgerður eiga von á þriðja barninu

» Fleiri tengdar fréttir

Meðganga og fæðing

Jóhanna Helga og Geir gáfu syni sínum nafn

• Ryan og Tanja Ýr greindu frá kyninu
• Ragga Hólm og Elma eignuðust son
• Fengu Pál Óskar til að greina frá kyninu
• Sunneva Eir hjálpaði vinkonu sinni í gegnum fæðingu

» Fleiri tengdar fréttir

• Blogga um frétt