Íslandsvinkonan og Love Island-stjarnan Molly-Mae Hauge er ófrísk að sínu fyrsta barni með kærasta sínum, Tommy Fury, og hefur verið dugleg að deila upplifun sinni af meðgöngunni á samfélagsmiðlum. Hins vegar hefur það verið hulin ráðgáta hve langt hún er gengin með barnið.

Nú hefur Hauge loksins opinberað hve langt hún er gengin, en hún deildi því með aðdáendum sínum í nýlegu tiktokmyndskeiði. Í myndskeiðinu sýnir Hauge óléttukúluna, en undir myndskeiðinu spilaði hún hljóðbrot sem er upprunalega úr myndskeiði raunveruleikastjörnunnar Kylie Jenner þegar hún sagði fylgjendum sínum að hún væri komin 34 vikur á leið.

„Ég er komin 34 vikur á leið“

Í síðustu viku gaf Hauge fylgjendum sínum vísbendingu um að nú væri farið að styttast í annan enda meðgöngunnar þegar hún skipti löngum gervinöglum út fyrir styttri og barnvænni neglur. „Bless, löngu neglur ... í mjög langan tíma,“ skrifaði Hauge. 

Ef rétt reynist að Hauge sé komin 34 vikur á leið má áætla að settur dagur sé í kringum 7. febrúar. 

Hauge og Fury hafa verið upptekin við hreiðurgerð síðustu vikur, en þau gáfu fylgjendum sínum innsýn í sérhannaðan fataskáp fullan af krúttlegum barnafötum í síðustu viku. Þá hélt Hauge nýlega glæsilegt steypiboð með vinum sínum og fjölskyldu, svo nú bíða verðandi foreldrarnir spenntir eftir nýja hlutverkinu. 

Frétt af mbl.is

Öllu tjaldað til í glæsilegu steypiboði

Tengdar fréttir

Frægar fjölskyldur

Fjölgar í bresku konungsfjölskyldunni

• Guðdóttir Áslaugar Örnu komin með nafn
• Móðir í annað sinn örfáum mánuðum eftir legnám
• Katla fæddi þriðja soninn á mettíma
• Mætt í ræktina nokkrum dögum eftir fæðingu

» Fleiri tengdar fréttir

Meðganga og fæðing

Jón Viðar og Sigríður eignuðust son

• Gulli Helga í skýjunum með nýja afabarnið
• Fannar og Valgerður eiga von á þriðja barninu
• Hilmar og Sandra Björg eignuðust son
• Sindri stjörnukokkur eignaðist tvíburadrengi

» Fleiri tengdar fréttir

• Blogga um frétt