Tónlistarkonan Rihanna stal senunni í hálfleik Ofurskálar NFL-deildarinnar í Bandaríkjunum í nótt þegar hún steig á svið ólétt að sínu öðru barni. Níu mánuðir eru síðan Rihanna og kærasti hennar, tónlistarmaðurinn A$AP Rocky, eignuðust sitt fyrsta barn. 

Það er óhætt að segja að samfélagsmiðlar hafi farið á hliðina þegar Rihanna kom fyrst á sviðið, því strax fóru aðdáendur að spyrja hvort hún væri ólétt. Umboðsmaður Rihönnu staðfesti það svo við fjölmiðla. 

Rihanna og A$AP Rocky eiga von á sínu öðru barni. AFP

Rihanna hafði þó gefið til kynna í viðtali vikunni fyrir að það myndi eitthvað óvænt gerast á sviðinu en aðdáendur virðast ekki hafa verið búnir undir þessi tíðindi. „Ég er að hugsa um að koma með einn. Ég er ekki viss, við sjáum til,“ sagði hún í viðtalinu. 

Aðdáendur klóruðu sér í kollinum, myndi hún njóta liðstyrks frá Jay-Z, Drake, eða kannski Eminem? Enginn bjóst allavega við því að hún myndi opinbera aðra meðgöngu sína. 

AFP

Tengdar fréttir

Meðganga og fæðing

Lára og Jens Hilmar eiga von á barni

• Gulli Arnar orðinn tveggja barna faðir
• Óskarsverðlaunahafi faðir í þriðja sinn 67 ára
• Fann ekki fyrir móðurlegu eðlishvötinni
• Jóhanna Helga og Geir gáfu syni sínum nafn

» Fleiri tengdar fréttir

• Blogga um frétt