Íslenska lestrar- og málörvunarforritið Orðalykill verður á næstunni aðgengilegt ókeypis í helstu snjalltækjum til að nota heima og í skólum landsins.

Jón Gunnar Þórðarson, framkvæmdastjóri Mussila, segir að fyrirtækið hafi fengið styrk frá félags- og vinnumarkaðsráðuneytinu til þess að láta það verða að veruleika. Hagkaup, A4 og Mjólkursamsalan styrkja einnig forritið.

„Við í Mussila erum þessum fyrirtækjum ævinlega þakklát. Svona styrkur gerir samfélagið okkar betra og mér finnst frábært að fyrirtækin sjái hag sinn í að styrkja þetta mikilvæga verkefni. Orðaforðinn, lesskilningur og hljóðkerfisvitund er grunnurinn að lestri. Með því að veita þjóðinni opinn aðgang að Orðalyklinum er verið að takast á við vandamálið með því að koma með lausn,“ segir Jón Gunnar í fréttatilkynningu frá Mussila.

Lestrar- og málörvunarforritið Orðalykill kennir undirstöðuþætti lesturs og læsis. Mussila nýtir sér kjarnalausnir íslensku máltækniáætlunarinnar til að þróa Orðalykilinn.

Höfundar Orðalykilsins eru talmeinafræðingarnir Ásthildur Bj. Snorradóttir og Bjartey Sigurðardóttir ásamt Mussila ehf. Saman hefur teymið áratugalanga reynslu í að útbúa kennsluefni fyrir börn og hefur teymið áður þróað Orðagull, Mussila Music og Mussila WordPlay. Mussila teymið hefur unnið til fjölda alþjóðlegra verðlauna fyrir menntalausnir sínar, nú síðast Bett verðlaunin í Lundúnum fyrir Bestu alþjóðlegu menntalausnina.

Varan mun nýtast öllum börnum til að læra að lesa og skilja íslensku. Aðfluttum og Íslendingum með erlendan uppruna, íslenskum börnum sem búa erlendis og öllum öðrum sem vilja læra okkar ástkæra og ylhýra tungumál. Um er að ræða gagnvirka kennslulausn sem ýtir undir snemmtæka íhlutun, málörvun og læsi.

Tengdar fréttir

Menntun

Læknanemar bjóða börnum í heimsókn á Bangsaspítalann

• Eru samfélagsmiðlar að ræna framtíðinni af börnum okkar?
• Nýjustu barnabækurnar fyrir haustið
• „Börnunum mínum leið greinilega aðeins of vel í bumbunni“
• Í hvað fer skjátími barnsins þíns?

» Fleiri tengdar fréttir

Uppeldi og heilsa

Vítahringur sem auðvelt er að stöðva

• Allt að 50% barna með ADHD glíma við svefnvanda
• „Við 18 mánaða aldur er yfirleitt best að hætta öllum næturgjöfum“
• Aðeins 12% kvenna á barneignaraldri taka inn fólat
• Annie Mist opnar sig um brjóstagjöfina

» Fleiri tengdar fréttir

• Blogga um frétt