Kevin Federline fyrrum eiginmaður og barnsfaðir Britney Spears er sagður ætla að flytja með strákana þeirra tvo til Havaí. 

Samkvæmt heimildum TMZ munu þeir ekki kveðja móður sína áður en þeir flytja.

Federline fer með fullt forræði yfir drengjunum sem eru 17 og 16 ára gamlir. Hann er sagður hafa kvatt drengina til þess að kveðja móður sína en vill hins vegar ekki þvinga þá til þess.

Þá er sagt að Federline sé feginn að hún ætli ekki að streitast á móti flutningunum með því að höfða dómsmál. Þetta sé drengjunum fyrir bestu.

„Britney elskar börnin sín og vill að þau séu hamingjusöm,“ segir vinur söngkonunnar.

Samband Spears við synina er stirt en á síðasta ári sagði hún að hluti af sér hefði dáið þegar hún hafði ekki séð þá í hálft ár og þeir mættu ekki í brúðkaup hennar og Sam Asghari.

Spears er í óða önn að undirbúa útgáfu ævisögu sinnar The Woman in Me sem kemur út í nóvember.

Frétt af mbl.is

Samþykkir flutning sonanna til Havaí

Britney Spears og Kevin Federline meðan allt lék í lyndi. AP

Tengdar fréttir

Frægar fjölskyldur

„Kormákur fékkst ekki samþykkt sem ættarnafn“

• Unnur Eggerts á von á öðru barni
• Alexandra og Gylfi eignuðust son
• Prinsessan fékk nafnið Bella
• Fjölgar í bresku konungsfjölskyldunni

» Fleiri tengdar fréttir

• Blogga um frétt