Bandaríski leikarinn Jeremy Allen White hefur samþykkt að gangast undir áfengispróf þegar dætur Whites og barnsmóður hans, Addison Timlin, eru í hans umsjá. Hjónin, sem standa í skilnaði, deila forræði en ef White mælist með áfengi í blóðinu fær Timlin fullt forræði. 

White, sem öðlaðist heimsfrægð fyrir leik sinn í þáttaröðinni The Bear, þarf að sækja reglulega AA-fundi og áfengismeðferð, samkvæmt skilnaðargögnum. Leikarinn verður undir miklu eftirliti þegar dætur parsins dvelja undir hans þaki, en White má búast við að áfengismagn verði mælt fimm sinnum í viku. 

Leikarinn, sem hlaut meðal annars Golden Globe-verðlaunin fyrir túlkun sína á Carmen „Carmy“ Berzatto, kvæntist Timlin í október 2019. Hún sótti um skilnað frá White í maí á þessu ári eftir rúmlega þriggja ára hjónaband. Dætur þeirra eru fjögurra og tveggja ára. 

White virðist þegar hafa fundið ástina en hann sást kyssa fyrirsætuna Ashley Moore í Los Angeles á dögunum.

Tengdar fréttir

Frægar fjölskyldur

Mætti með son sinn upp á arminn

• Fann ekki fyrir móðurlegu eðlishvötinni
• „Kormákur fékkst ekki samþykkt sem ættarnafn“
• Unnur Eggerts á von á öðru barni
• Alexandra og Gylfi eignuðust son

» Fleiri tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hjörtun okkar stækkuðu um fimm stærðir“
• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?

» Fleiri tengdar fréttir

• Blogga um frétt