Tóku vel á móti Birgittu Haukdal

Það var góð og notaleg stemning í útibúi Íslandsbanka á Akureyri í dag, þrátt fyrir mikinn kulda, þegar Birgitta Haukdal, rithöfundur og tónlistarkona, las upp úr bókum sínum um Láru og Ljónsa.

Fjöldi barna mætti í útibúið til að hlusta á Birgittu, en bækurnar hafa notið mikilla vinsælda. Hefur Birgitta verið mjög áberandi í jólabókaflóðum síðustu ára.

Eftir lesturinn tók Birgitta nokkur lög með með dóttur sinni. Einnig gaf hún börnunum höfuðbuff og endurskinsmerki.