Í nýjasta hlaðvarpsþætti Sibling Rivalry, sem kom út um helgina, ræddu Oliver Hudson og Robin Lively um farsæld og frægð yngri systra sinna. Hudson er eldri bróðir leikkonunnar Kate Hudson og Lively er eldri systir leikkonunnar Blake Lively. 

Hudson og Lively, sem starfa einnig sem leikarar, viðurkenndu að öfunda velgengni yngri systra sinna sem og öll tækifærin sem þeim býðst í Hollywood. 

Þreytt á harkinu

Hudson, sem er fyrsta barn leikkonunnar Goldie Hawn, viðurkenndi að hann samgleddist systur sinni og yngri bróðir, Wyatt Russell, sem hefur verið að gera það gott í Hollywood síðastliðin ár. Hann sagðist einnig ekkert hafa á móti því að upplifa sams konar velgengni í eigin ferli. 

„Það er ákveðinn hluti af mér sem er ekki sáttur eftir öll þessi ár. Mig langar að vera í aðalhlutverki og starfa við hlið Hollywood-goðsagnanna líkt og systkini mín. Ég vill græða þessar upphæðir,“ útskýrði Hudson. Lively tengdi við orð leikarans og sagðist vera sömu skoðunar. 

Hudson og Lively eru vel þekkt í Hollywood enda verið viðloðandi leiklistarbransann frá barnæsku. Bæði sögðust þau vera orðin þreytt á harkinu eftir öll þessi ár. 

Tengdar fréttir

Fjölskyldulíf

„Ég vissi að þetta væri erfitt en vissi samt ekki neitt“

• Sunneva og Baltasar þurftu samþykki fyrir nafni dótturinnar
• Prinsessan fékk nafnið Bella
• Dóttir Ingólfs og Alexöndru komin með nafn
• Jón fangaði foreldrahlutverkið í sinni tærustu mynd

» Fleiri tengdar fréttir

• Blogga um frétt