Leikarinn Daniel Radcliffe segir í viðtali við E News að hann gráti mun meira eftir að hann varð faðir. Óhætt er að segja að margt hafi breyst í lífi Radcliffe eftir að sonur hans kom í heiminn í apríl á síðasta ári en hann segir föðurhlutverkið vera það besta sem hann hefur upplifað. 

Í viðtalinu opnar hann sig og segist gráta mun meira en áður. Hann bætir því við að tárin geti verið gleðitár eða tár sem fylgja tilfinningarússíbananum sem nýbakaðir foreldrar upplifa.

Radcliffe segir að hann hafi notið föðurhlutverksins mikið til þessa án þess að hann hafi vitað við hverju hann ætti að búast. Hann er líka yfir sig stoltur af kærustu sinni, leikkonunni Erin Drake. 

Hefur talað opinskátt um föðurhlutverkið

Leikarinn hefur áður talað opinskátt um föðurhlutverkið en hann deildi því meðal annars í október á síðasta ári að honum fyndist föðurhlutverkið oft á tíðum ógnvekjandi. Þá sagði Radcliffe að ástæðan væri sú að sonur hans væri það besta, mikilvægasta og jákvæðasta sem hafi gerst í lífi hans. Þá finnst Radcliffe sérstaklega ógnvekjandi hvernig svona lítil manneskja getur algjörlega stjórnað hans líðan.

Frétt af mbl.is

Segir föðurhlutverkið ógnvekjandi

Radcliffe segir líka að hann sé óviss um hvort hann vilji að sonur hans verði leikari og kynnist kvikmyndaiðnaðinum. Hann bætir því við að fleiri störf í Hollywood, sem eru t.d. í boði baksviðs, bjóði upp á heilbrigðari lífsstíl á marga vegu. 

„Ekki nema hann virkilega vilji það. Ég mun ekki stoppa hann ef hann vill fara í þá átt,“ segir Radcliffe. 

Radcliffe og Drake kynntust árið 2012 við tökur á kvikmyndinni Kill Your Darlings. Parið hefur haldið syni sínum algjörlega frá sviðsljósinu frá því hann fæddist en þau hafa hvorki gefið upp nafn drengsins né deilt myndum af honum á samfélagsmiðlum.

People 

Tengdar fréttir

Uppeldisráð

Milljónir horfa á íslenskt „pappakassaafmæli“

• „Biðjumst fyrirgefningar þegar mistök eiga sér stað“
• „Ég fæ ekki nóg af koddaspjallinu okkar“
• „Dagarnir mínir eru mjög óhefðbundnir og óreglulegir“
• Allt að 50% barna með ADHD glíma við svefnvanda

» Fleiri tengdar fréttir

Frægir fjölga sér

Gísli Pálmi eignaðist dóttur

• Ólétt þremur mánuðum eftir fæðingu frumburðarins
• Lára Clausen og Jens Wessman greindu frá kyninu með viðhöfn
• „Hjörtun okkar stækkuðu um fimm stærðir“
• Lára og Jens Hilmar eiga von á barni

» Fleiri tengdar fréttir

Föðurhlutverkið

„Dagarnir mínir eru mjög óhefðbundnir og óreglulegir“

• „Ég hef notfært mér mikið úr uppeldisverkfæra- kistu mömmu“
• Allt breyttist eftir að dóttirin kom í heiminn
• Eiginmaðurinn vildi upplifa það að vera með óléttukúlu
• Birti myndir af börnunum rétt fyrir handtökuna

» Fleiri tengdar fréttir

• Blogga um frétt