Söngkonan Jennifer Hudson opnar sig í fyrsta skipti opinberlega um það að faðir hennar á 27 börn. Hudson komst að þessari ótrúlegu uppgötvun þegar hún var 16 ára, en hún er yngst allra systkinanna og ólst upp með tveimur þeirra: Jason og Juliu.

Það væri kannski áfall fyrir einhverja að komast að því að 26 einstaklingar úti í samfélaginu væru skyldir þér en Hudson upplifði það ekki þannig. Strax fór hún að láta sig dreyma um að sameina fjölskylduna einn daginn. Að allir gætu fagnað þakkargjörðarhátíðinni saman eða varið jólunum saman. 

Söngkonan segist aðeins hafa hitt fimm af systkinum sínum, sem hún ólst ekki upp með, en föðurfjölskylda hennar hefur lagt mikið á sig til að finna systkini hennar og láta verða að fjölskyldusameiningunni.

Það var svo í jarðarför föðurömmu hennar sem ættingjar komust á sporið. Þar spurðist það út að yngsta barnabarnið kynni að syngja. 

Hudson er staðráðin í að hafa upp á fleiri systkinum sínum og segist hlakka til að kynnast þeim. 

Söngkonan er móðir hins 14 ára David Daniel Otunga. Drenginn eignaðist hún með fyrrverandi kærasta sínum, glímustjörnunni David Otunga. Hún segir að það sé hennar hjartans mál að sonur hennar alist upp í kringum fjölskyldu hennar og að það hafi verið ástæða þess að þau fluttu til heimaslóða Husdon í Chicago um tíma. Núna búa þau í Los Angeles en eru dugleg að heimsækja Chicago þar sem þau rækta sambandið við fjölskylduna. 

Page six

Frétt af mbl.is

Jennifer Hudson syngur Amazing Grace í útför Franklin

Tengdar fréttir

Einstakar fjölskyldur

Madonna fagnaði afmæli tvíburanna

• Opnar sig um óvenjulegar svefnvenjur yngsta sonarins
• Líffræðileg móðir Biles biður um fyrirgefningu
• „Ég reyni mitt besta að vera ekki þroskaþjófur“
• Segist hafa lamast um tíma og óttast um fóstur sitt

» Fleiri tengdar fréttir

Frægir fjölga sér

Lára og Jens Hilmar eiga von á barni

• Gulli Arnar orðinn tveggja barna faðir
• Katrín Edda og Markus eignuðust dreng
• Sonur Kristjáns Helga og Eddu Falak kominn með nafn
• Megan Fox á von á barni eftir fósturmissi

» Fleiri tengdar fréttir

• Blogga um frétt