Ellefu barna móðirin, Alicia Dougherty, kom mörgum á óvart þegar hún deildi morgunrútínu sinni en það getur verið afar strembið að koma 11 börnum í skólann.

Dagurinn hjá Dougherty byrjar klukkan fjögur um morguninn en þá byrjar hún á því að græja eitt og annað áður en krakkahópurinn vaknar eins og nestið, fötin og lyfin.

Dougherty útskýrir að næst setur hún nestið og vatnsbrúsa með klaka í 11 skólatöskur sem hún raðar í aldursröð ásamt skóm hvers barns í forstofuna.

„Ég passa sérstaklega að allar skólatöskurnar séu með nesti, hádegismat, vatnsbrúsa, heimavinnuna og skólabækurnar,“ segir Dougherty.

Að lokum bursta öll börnin saman tennurnar og taka þau lyf eða vítamín sem þau þurfa áður en móðir þeirra kyssir þau bless og krakkarnir fara af stað í skólann.

Dougherty vakti fyrst mikla athygli á samfélagsmiðlinum TikTok þegar hún sýndi fylgjendum sínum hvernig hún eldar kvöldmat fyrir börnin sín 11.

Fólk hefur verið í sjokki út af því gríðarlega magni af mat sem hún þarf að kaupa inn og elda en ekki síður því mikla skipulagi sem fylgir því að koma börnunum út úr húsi á hverjum degi.

„Mamma ársins,“ sagði einn fylgjandi hennar.

„Þú ert hetjan mín, ég á í basli bara með tvö börn!,“ sagði annar. 

The Sun 

Tengdar fréttir

Einstakar fjölskyldur

Madonna fagnaði afmæli tvíburanna

• Opnar sig um óvenjulegar svefnvenjur yngsta sonarins
• Líffræðileg móðir Biles biður um fyrirgefningu
• „Ég reyni mitt besta að vera ekki þroskaþjófur“
• Segist hafa lamast um tíma og óttast um fóstur sitt

» Fleiri tengdar fréttir

Fyrsti skóladagurinn

Nýjustu barnabækurnar fyrir haustið

• Er barnið þitt að byrja hjá dagmömmu eða í leikskóla?
• Fimm ráð til að undirbúa barnið fyrir haustið
• Karlotta prinsessa byrjuð í skólanum
• Hefur þú endalausar áhyggjur af barninu þínu?

» Fleiri tengdar fréttir

• Blogga um frétt