Jonathan Jacob Meijer, hollenskur sæðisgjafi, svarar fyrir sig í kjölfar nýju heimildarþáttanna The Man With 1.000 Kids sem kom út á streymisveitunni Netflix. Þættirnir fjalla um fólk sem hefur eignast börn með aðstoð sæðisgjafa Meijer. Margir segjast hafa verið sviknir og upplifa reiði eftir að upp komst um fjölda líffræðilegra hálfsystkina í Bretlandi og annars staðar í heiminum. 

Meijer sem hefur verið sæðisgjafi í 17 ár neitar því að hafa átt þátt í að um 1.000 börn fæddust með hjálp hans og segir að samkvæmt sínum tölum séu þau 550. Í mörgum tilvikum hafði hann samband við fjölskyldurnar sjálfur í stað þess að veita gjafirnar í gegnum sérhæfðar einkastofur. 

Hann segir í samtali við breska ríkisútvarpið BBC að heimildarþættirnir séu villandi því þeir segja aðeins sögu fjölskyldnanna sem eru óánægðar í staðinn fyrir foreldranna sem eru honum þakklátir. 

Meijer neitaði að koma í viðtal fyrir Netflix-heimildarþættina.  

Natalie Hill, framleiðandi þáttanna, segir það algerlega rangt að meirihluti fjölskyldnanna sé ánægður og að 50 fjölskyldur hafa nú þegar farið með málið fyrir dóm þar og óskað eftir að hann verði stoppaður. 

Foreldrar barnanna hafa miklar áhyggjur af því hversu mörg önnur börn deila að hluta til sama erfðaefni í samfélaginu. 

„Stærstu áhyggjurnar eru að þessi börn munu hittast í framtíðinni, verða ástfangin vegna þess að þau sjá kunnuglega takta hvort hjá öðru og þau eiga ekki eftir að vera meðvituð um að þau eru frá sama sæðisgjafanum,“ segir Hill.

Hill bætir við að Meijer hafi sagt fjölskyldunum að hann hafi verið þekktur sæðisgjafi en hann hafi aldrei gefið það skýrt fram hversu mörg börn hafa komið í heiminn með aðstoð sæðisgjafa hans.

Hollensk yfirvöld bönnuðu Meijer að gefa sæði þar í landi árið 2017 eftir að upp komst að 102 börn höfðu fæðst með hans hjálp en sæðisgjafirnar voru dreifðar um 11 sæðisbanka í Hollandi. Hann hélt þó áfram að gefa sæði í öðrum löndum þar til árið 2023 þegar kona tapaði í máli gegn honum. 

Frétt af mbl.is

Dómarar segja hingað og ekki lengra við föður 550 barna

Tengdar fréttir

Fæðingar og fleira

Katrín Edda og Markus eignuðust dreng

• „Dagarnir mínir eru mjög óhefðbundnir og óreglulegir“
• Fékk reikning upp á sjö milljónir eftir fæðingu á spítala
• Sonur Justin og Hailey Bieber kominn í heiminn
• Heiðdís og Hjálmtýr eignuðust stúlku

» Fleiri tengdar fréttir

Frjósemi

Þráði að eignast barn með Hafþóri

• „Ég svaf hjá hálfbróður mínum“
• Svona viðheldur þú heilbrigðu sæði
• Fór í gegnum 5 glasafrjóvgunarmeðferðir og 3 eggheimtur
• „Ég var búin að bíða lengi eftir því að verða móðir“

» Fleiri tengdar fréttir

Meðganga og fæðing

Lára og Jens Hilmar eiga von á barni

• Gulli Arnar orðinn tveggja barna faðir
• Óskarsverðlaunahafi faðir í þriðja sinn 67 ára
• Fann ekki fyrir móðurlegu eðlishvötinni
• Jóhanna Helga og Geir gáfu syni sínum nafn

» Fleiri tengdar fréttir

• Blogga um frétt