Smartland Mörtu Maríu | Fjölskyldan | mbl | 24.8.2024 | 19:00

Svona hjálpar húmorinn í uppeldinu

Þrjár kynslóðir af húmor. Ljósmynd/Alena Darmel/Pexels

Að ala upp barn er ekkert grín en nýjustu rannsóknir hafa sýnt fram á að góðir foreldrar grínist með börnunum sínum. Að gefa börnum sínum mikla ást og umhyggju spilar að sjálfsögðu lykilhlutverk í að mynda mikilvæg tengsl við barnið sem endast fram á fullorðinsárin, en hlátur og húmor er sagður auka líkurnar á þessum tengslum til muna.

„Húmor getur kennt fólki að vera sveigjanlegt, losa streitu og leysa vandamál á skapandi hátt og með þrautseigju,“ segir Benjamin Levi, höfundur rannsóknarinnar July studdy sem var birt þann 12. ágúst síðastliðinn.

Húmor í æsku hefur jákvæð áhrif á fullorðinsárum

Þátttakendur í rannsókninni voru 312 talsins og á aldrinum 18 til 45 ára. Niðurstöður leiddu í ljós að húmor hefur ekki aðeins jákvæð áhrif á samband fullorðinna einstaklinga við foreldra sína, heldur hefur hann einnig jákvæð áhrif á tengsl þeirra við sín eigin börn.

„Yfir helmingur þátttakenda sagðist hafa alist upp með foreldrum sem notuðu húmor í uppeldinu og 71,8% voru sammála því að húmot geti verið áhrifaríkt uppeldistæki,“ kemur fram í niðurstöðunum. „Meirihluti þátttakenda sagðist nota eða ætla að nota húmor með börnunum sínum og telur að það geti haft fleiri kosti en galla.“

Þá kemur einnig fram að 50,5% af þeim sem ólust upp við húmor sögðust eiga gott samband við foreldra sína og 44% töldu foreldra sína hafa staðið sig vel í uppeldinu. Þá voru aðeins 2,9% þeirra sem ólust ekki upp við húmor sem sögðust eiga gott samband við foreldra sína og 3,6% töldu foreldrana ekki hafa staðið sig nógu vel í uppeldinu.

New York Post