Ný ís­lensk barnasería um fjár­hund­inn Lubba, titluð Lubbi finn­ur mál­bein, var frumsýnd á dögunum við góðar undirtektir yngstu kynslóðarinnar. Serían er aðgengileg í Sjón­varpi Sím­ans Premium. 

Þáttaröðin sem byggð er á sam­nefndri bók er skemmti­leg og fræðandi og mun hjálpa börn­um að læra ís­lensku mál­hljóðin á skemmti­leg­an og aðgengi­leg­an hátt.

Lubbi er ís­lensk­ur fjár­hund­ur sem er þekkt­ur fyr­ir að gelta kröft­ug­lega með „voff voff“, en hann dreym­ir um að læra að tala ís­lensku. Lubbi býður öll­um börn­um í æv­intýraferð um Ísland þvert og endi­langt í leit að 35 mál­bein­um sem hjálpa hon­um að læra ís­lensku mál­hljóðin.

Þáttaröðin er fram­leidd af Ketchup Creati­ve og byggð á bók eft­ir Eyrúnu Ísfold Gísla­dótt­ur og Þóru Más­dótt­ur. Söngvís­ur í þátt­un­um eru eft­ir Þór­ar­inn Eld­járn.