Bjarni orðinn afi í annað sinn

Bjarni Benediktsson forsætisráðherra deildi gleðifréttum í færslu á Facebook-reikningi sínum en hann varð afi í annað sinn í vikunni.

Er það elsta dóttir Bjarna, Margrét Bjarnadóttir, og unnusti hennar Ísak Ernir Kristinsson, sem eignuðust sitt annað barn og fyrstu dóttur á þriðjudaginn.

Frétt af mbl.is

Margrét og Ísak eiga von á barni

Heilbrigð og falleg lítil stúlka

Sagði forsætisráðherrann stóra viku að baki og nefndi þar heimsókn Úkraínuforseta og norrænna forsætisráðherra, vel heppnað Norðurlandaráðsþing, ríkisstjórnarfundi, fjölmiðlaviðtöl, kappræður, foreldraviðtal og umræður um afurðasjóð Grindvíkinga á Alþingi.

„Ekkert af þessu skiptir þó miklu máli í samanburði við þær dásamlegu fréttir sem við fengum síðdegis á þriðjudag,“ skrifar Bjarni. 

„Þá eignaðist Margrét dóttir okkar heilbrigða og fallega litla stúlku. Þar með er ég orðinn tvöfaldur afi, hvorki meira né minna! Ég hlakka til að taka þátt í uppeldinu og fylgjast með henni vaxa og dafna.“

Fjöl­skyldu­vef­ur mbl.is ósk­ar fjölskyldunni inni­lega til ham­ingju!

Frétt af mbl.is

Ísak og Margrét trúlofuð

• Blogga um frétt