Leikkonan Aníta Briem og kærasti hennar, Hafþór Waldorff, eignuðust dóttur 13. nóvember. Parið kynntist í kvikmyndaverkefnum og urðu þau strax góðir vinir sem leiddi þau inn á brautir ástarinnar. 

„Hjörtun okkar stækkuðu um fimm stærðir,“ segir Aníta í samtali við Smartland. 

Í viðtali á dögunum sagði Aníta frá því að þrá hennar og Hafþórs að eignast barn saman hafi kviknað snemma en fyrir á hún dótturina Míu sem er 10 ára. 

„Við höf­um verið ótrú­lega lán­söm. Þrá okk­ar Hafþórs eft­ir að eign­ast barn sam­an kviknaði mjög snemma og eft­ir að hafa reynt í nokkra mánuði og af því að ég er kom­in yfir fer­tugt hóf­um við gla­sa­frjóvg­un­ar­ferli, sem tókst svona vel. Við vit­um hversu hepp­in við erum og ein­kenn­ist meðgang­an af ein­skæru þakk­læti.

Ég hef þris­var und­an­farið sett mig í hlut­verk kvenna sem hafa glímt við ófrjó­semi, í til­felli Stein­unn­ar í fyrstu seríu, en þau Bene­dikt höfðu verið að reyna lengi, Hild­ar í Villi­bráð og svo í til­felli Unn­ar í Svari við Bréfi Helgu. Ég hef rann­sakað þetta mikið sem og heyrt sög­ur kvenna og para í þessu ferli. En að hafa upp­lifað þetta per­sónu­lega hef­ur dýpkað allt. Skerpt staðfestu á hvað skipt­ir máli í líf­inu. Við Hafþór höf­um núna verið að gera upp íbúð í Vest­ur­bæn­um sem fer að verða til­bú­in og við hlökk­um til að taka á móti litl­um unga í nóv­em­ber,“ seg­ir hún.

Hvernig er öðru­vísi að ganga með barn í dag en þegar þú eignaðist frumb­urðinn?

„Lík­am­lega líður mér eig­in­lega bet­ur en á fyrstu meðgöngu. Þegar ég gekk með Míu, núna 10 ára dótt­ur mína, bjó ég í Los Ang­eles og fékk að heyra það frek­ar skýr­um orðum að þegar ung­ar leik­kon­ur yrðu barn­haf­andi fynd­ist brans­an­um eða karl­mönn­un­um sem keyrðu brans­ann að þær misstu ein­hvern veg­inn kynþokk­ann og æskuljómann. Mér var ráðlagt að hafa hljótt um meðgöng­una og vera ekk­ert að tala mikið um það að vera orðin móðir. Bara að segja þetta upp­hátt sting­ur mig í hjartað því þetta er svo mikið bull og vit­leysa. Mér finnst þetta eitt það fal­leg­asta, kynþokka­fyllsta og stór­brotn­asta sem ég hef gert í líf­inu. Þess vegna er ynd­is­legt að vera núna á Íslandi þar sem ég hef virki­lega getað notið meðgöng­unn­ar,“ seg­ir Aníta.

Frétt af mbl.is

„Þrá okkar Hafþórs eftir að eignast barn saman kviknaði mjög snemma“

Smartland óskar fjölskyldunni til hamingju með litlu dömuna! 

Tengdar fréttir

Frægir fjölga sér

Gísli Pálmi eignaðist dóttur

• Ólétt þremur mánuðum eftir fæðingu frumburðarins
• Lára Clausen og Jens Wessman greindu frá kyninu með viðhöfn
• Lára og Jens Hilmar eiga von á barni
• Gulli Arnar orðinn tveggja barna faðir

» Fleiri tengdar fréttir

Fjölskyldulíf

Margrét og Ísak Ernir gáfu dóttur sinni nafn

• „Hef nokkuð alvarlegt blæti fyrir nytjamörkuðum“
• „Nú þarf bara að taka einn dag í einu“
• Hvað er til ráða ef skilnaðarbarnið vill ekki vera viku og viku?
• „Ég vissi að þetta væri erfitt en vissi samt ekki neitt“

» Fleiri tengdar fréttir

• Blogga um frétt