Kvenorkan var í forgrunni þegar Bláa lónið hélt hressandi konukvöld á fimmtudaginn var. Snyrtifræðingar kynntu allt það nýjasta í Blue Lagoon-húðvörulínunni, boðið var upp á handanudd og kynningu á snyrtimeðferðum Bláa lónsins.

Konurnar voru leystar út með fallegri Blue Lagoon-vörugjöf. MAN Magazine var á staðnum og fengu allar konurnar nýjasta tölublað þessa glæsilega tímarits að gjöf. 

Matreiðslumeistarar Lava, þeir Þráinn Freyr Vigfússon, Ingi Þórarinn Friðriksson og Viktor Örn Andrésson, matreiðslumeistari ársins, töfruðu fram freistandi veitingar. Til þess að gera kvöldið ennþá skemmtilegra kom söngvarinn Jón Jónsson fram og söng nokkur lög.