Flugfreyjustarfið hryllingur á köflum

Flugfreyjustarfið lítur stundum út eins og draumur á samfélagsmiðlum en auðvitað sýna flugliðar ekki skuggahliðar starfsins sem oft getur verið erfitt. Daily Mail greinir frá því að þjónar háloftanna og aðrir farþegar hafi greint frá ótrúlegum atvikum sem það lenti í á samskiptavefnum Quara.com. 

Einn fyrrverandi flugliði kom að konu leika við lim eiginmanns síns í sætinu í kvöldflugi. Segir hann ljósin hafa verið slökkt en þau hafi þó verið með kveikt á lesljósum við sæti sín. 

Aðrir sögðust hafa séð fólk fróa sér, bæði á bak við tímarit eða hreinlega þannig að allir sáu. 

Einn flugliði sagðist hafa sett morgunmat á borð fyrir sofandi farþega. Seinna þegar hann vaknaði bað hann um mat en þá kom í ljós að farþeginn við hlið hans hafði borðað matinn. 

Það undarlegasta sem flugfreyja sem starfaði í háloftunum í 25 ár lenti í var að komast að því við lendingu í New York á áttunda áratugnum að þau hefðu flogið með lík. Vildu ættingjarnir jarða gamla konu í New York og skelltu henni því í stóra flauelstösku. 

Sofandi farþegi lenti í því að matnum hans var stolið. mbl.is/Thinkstockphotos

• Blogga um frétt