Rithöfundurinn MacKenzie Scott er valdamesta kona heims að mati bandaríska tímaritstins Forbes. Er þetta í þriðja skipti í 18 ár sem Angela Merkel, fráfarandi kanslari Þýskalands, er ekki í efsta sætinu.

Á ári hverju tekur tímaritið saman hvaða hundrað konur þykja þær valdamestu í heimi.  

Scott var áður gift milljarðamæringnum og stofnanda Amazon, Jeff Bezos. Þau skildu árið 2019. Hún er þriðja ríkasta kona heims og hefur notað auðævi sín til að láta gott af sér leiða. 

Frétt af mbl.is

Gaf 510 milljarða til góðgerðarmála

Önnur valdamesta kona heims er Kamala Harris, varaforseti Bandaríkjanna. Í þriðjasæti er Christine Lagarde, seðlabankastjóri Evrópu. 

Í umfjöllun Forbes segir að þegar kom að því að setja listann saman þá sé ekki bara nóg að líta til þess hversu mikilla tekna konur afla eða stöðu þeirra. „Manneskjan þarf að vera að gera eitthvað með auðævi sín, rödd eða stöðu sína,“ segir í umfjöllun Forbes.

Í 70. sæti listans er Elísabet II Bretlandsdrotting og fellur hún niður um 24 sæti á milli ára. Ástæðan er rakin til þess að hún er töluvert minna í sviðsljósinu en hún var auk vandræða konungsfjölskyldunnar bresku og hvernig hún hefur tekist á við þau. Á listanum má einnig finna leikkonuna Reese Witherspoon og tennisstjörnuna Serenu Williams. 

10 valdamestu konur heims að mati Forbes

1. MacKenzie Scott
2. Kamala Harris
3. Christine Lagarde
4. Mary Barra
5. Melinda French Gates
6. Abigail Johnson
7. Ana Patricia Botín
8. Ursula von der Leyen
9. Tsai Ing-wen
10. Julie Sweet

Listann í heild sinni má finna á vef Forbes.

Tengdar fréttir

Framakonur

Útskrifaðist fimmtug eftir baráttu við brjóstakrabbamein

• „Þetta hefur allt verið frekar bilað“
• „Ástin bankaði heldur betur á dyr, eiginlega bara ruddi þeim niður með látum“
• „Þrá okkar Hafþórs eftir að eignast barn saman kviknaði mjög snemma“
• Stærsta áskorunin að fá krabbamein 39 ára gömul

» Fleiri tengdar fréttir

• Blogga um frétt