Björk Eiðs vinnur fyrir Björgólf Thor

Björk Eiðsdóttir blaðamaður og fyrrverandi ritstjóri hefur ráðið sig til starfa hjá Björgólfi Thor Björgólfssyni viðskiptamanni. Hún starfaði áður á Fréttablaðinu og var búin að segja starfi sínu lausu þegar dagblaðið var lagt niður. 

Frétt af mbl.is

Björk segir upp á Fréttablaðinu

„Eftir 16 ára starf við fjölmiðla ákvað ég að nú væri rétti tíminn til að skipta um gír og nýta víðtæka reynslu mína á nýjum vettvangi. Ég sagði því upp starfi mínu sem einn ritstjóra Fréttablaðsins tveimur vikum áður en miðillinn var lagður niður í lok mars. Þegar Björgólfur Thor í framhaldi leitaði til mín vegna spennandi verkefna fyrir sig skoraðist ég því ekki undan. Ég hef þegar hafið störf og hlakka til að láta til mín taka á nýju sviði og fá tækifæri til að starfa með þeim farsæla viðskiptamanni,“ segir Björk í samtali við Smartland. 

• Blogga um frétt