Anna Fríða hætt hjá Play

Anna Fríða Gísladóttir er hætt hjá flugfélaginu Play. Hún gegndi starfi forstöðumanns markaðsmála og hóf störf hjá fyrirtækinu í febrúar í fyrra. Áður hafði hún unnið hjá íslenska líftæknifyrirtækinu Bioeffect og verið markaðsstjóri Domino's Pizza. 

Frétt af mbl.is

Anna Fríða tekur við markaðsmálum Play

„Ég hef ákveðið að snúa ekki til baka á skrifstofuna hjá PLAY eftir fæðingarorlof og hef sagt starfi mínu lausu.

Tíminn hjá PLAY var afar lærdómsríkur og ég kveð með hafsjó af reynslu sem ég tek með mér inn í næstu verkefni. Ég þakka samstarfsfólki mínu innilega fyrir gott samstarf og er spennt fyrir framhaldinu. Áfram gakk,“ segir Anna Fríða á félagsmiðlinum Linkedin. 

Anna Fríða og unnusti hennar, Sverrir Falur Björnsson, eignuðust son númer tvö í nóvember í fyrra og fór hún í kjölfarið í fæðingarorlof. 

• Blogga um frétt