Sparaðu með því að taka nesti
Setja bókamerki
Það getur verið ansi freistandi að stelast út í sjoppu í skólanum og kaupa eitthvað í gogginn. Sjoppuferðirnar geta þó verið ansi dýrar og oft og tíðum verður ekki hollasti kosturinn fyrir valinu. Þegar garnirnar byrja að gaula verður majonessamlokan, kókflaskan og súkkulaðistykkið ansi freistandi. Til þess að koma í veg fyrir að falla í þessa gryfju er gott að vera með þægilegt nestisbox og skipuleggja nestið kvöldið áður. Hér eru nokkrar hugmyndir.
Egg
Harðsoðið egg er fullt hús matar. Það tekur enga stund að taka skurnina af og skella í sig egginu á milli mála. Eina sem þarf að gera er að sjóða eggið kvöldið áður eða fyrr um daginn.
Grænmeti
Það er hægt að taka með fleira en bara banana í nesti. Í matvörubúðum eru til litlar bragðgóðar gulrætur sem ekki þarf að skræla og jafnvel litlar íslenskar agúrkur sem henta fullkomlega í skólatöskuna. Fyrir lúxusupésana er hægt að taka með hummus og dýfa grænmetinu í.
Kaldur grautur
Kaldur grautur með höfrum, fræjum, hnetum og jafnvel ávöxtum er fullkominn í skólann. Grauturinn er búinn til kvöldið áður og látinn standa inn í ísskáp, eldavélin verður algjör óþarfi.
Svo má alltaf taka með sér skyr með kaffibragði og setja smá leynigest út á það.
Afgangar
Eldaðu aðeins meira og taktu með þér afganga í hádegismat. Það getur verið fráhrindandi að burðast með mismunandi nestisbox fyrir aðalréttinn og annað fyrir meðlætið en þá er gott að eiga nestisbox með nokkrum hólfum.
Tepokar og vatnsflöskur
Það er hægt að spara mikið á því að ganga með nokkra tepoka á sér og vatnsbrúsa. Uppáhellingin og sódavatnið er kannski ekki dýrt en það safnast saman.
Meðalaldur við inntöku liggur ekki fyrir
Ljóst að Samfylkingin fylgist ekki nógu vel með
Hata uppistand mest
Fundurinn notaður sem afsökun fyrir vopnavæðingu
Keypti líklega 300-400 skammbyssur af Sakka
„Við erum bara að bíða“
Hnífamálin þrjú ekki talin tengjast hvert öðru
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál