Smartland Mörtu Maríu | Heilsa | mbl | 19.10.2011 | 10:27 | Uppfært 7.1.2015 16:36

Búin að bæta hlaupatímann um 9 mínútur

Dagmar Ásmundsdóttir. Eggert Jóhannesson

Stelpurnar í Stjörnuþjálfun þurfa að hlaupa 5 kílómetra einu sinni í viku. Dagmar Ásmundsdóttir er búin stórbæta tímann sinn. Þegar hún byrjaði í átakinu rölti hún kvartandi þessa fimm kílómetra, en nú er hún byrjuð að hlaupa. Dagmar talar um þetta á bloggi sínu.

„Ekki mjög leiðinlegur dagur í dag. Við Fab 5 fengum að gjöf Easytone fatnað og TrainTone skó frá Reebok. Ekkert smá mikið flott, rosa þægileg föt og skórnir skemmtilega öðruvísi. Eins og það eitt hefði ekki dugað til að halda mér góðri í marga daga þá fór ég í ræktina í nýjum fötum og bætti tíman minn í 5 kílómetra hlaupinu sem þýðir að síðan ég byrjaði að rölta kvartandi í gegnum þetta fyrir 5 vikum þá er ég búin að bæta tímann minn um 9 mínútur.“

„Ég veit að Stjörnuþjálfunin og það að gera þetta svona fyrir allra augum hefur hjálpað mér helling ég ætla aldrei inní spéhræðsluskápinn aftur, ónei.“

Dagmar segir að átakið hafi eflt sig á allan hátt og sjálfstraustið sé mun betra nú en fyrir fimm vikum.

HÉR er hægt að lesa bloggið hennar.