Lesendur Smartlands hafa á árinu lesið um holla lífshætti, fólk sem náði ótrúlegum árangri í breyttum lífsstíl og líkamsræktinni og ýmiss konar mola og fréttir úr heimi líkamlegrar og andlegrar heilsu. 

1. Í byrjun árs var vitnað til fréttar sem Health Freedom Alliance tók saman yfir sex óholl matvæli.
2. Í apríl nutu leiðbeiningar um hvernig fá megi flatari maga á sjö dögum mikilla vinsælda. 
3. Í febrúar sagði Margrét Edda Gnarr frá því að hún væri á leið til keppni á Arnold Classic-mótinu í Ohio, einu stærsta líkamsræktarmóti í heimi. 
4. Valgeir Matthías Pálsson vakti mikla athygli fyrir þann árangur sem hann náði í þáttunum Leiðin til betra lífs. 
5. Viðtal við Lilju Katrínu Gunnarsdóttur leikkonu var vinsælt hjá lesendum Smartlands en í byrjun ársins sagði hún meðal annars frá því þegar hún vó 100 kíló á fermingardaginn.
6. Páll Magnús Guðjónsson sagði frá því í janúar hvernig hann náði að losa sig við 33 kíló.
7. Hanna Kristín Didriksen snyrtifræðingur sagði frá því í febrúar hvernig hún missti 60 kíló. 
8. Benedikt Franklínsson hefur barist við offitu frá unga aldri en Benedikt sagði sögu sína í þáttunum um Leiðina til betra lífs.
9. Lára Bryndís Pálmarsdóttir gat ekki hugsað sér að taka inn hormóna þegar hún var að leita að getnaðarvörn og ákvað að leita annarra og náttúrulegri leiða.
10. Yrsa B. Löve, sérfræðingur í ofnæmislækningum, sagði frá því í febrúar að frúktósi, eða ávaxtasykur, væri í raun á margan hátt verri fyrir líkamann og erfiðari úrvinnslu en glúkósi. Agave-síróp er dæmi um afurð sem inniheldur hátt hlutfall frúktósa.