45 mínútna blundur og minnið fimmfaldast

Stuttur blundur í aðeins 45 mínútur getur gert það að verkum að minnið verður fimmfalt betra. 

Ef þú leggur þig í stutta stund nær heilinn að melta, eða vinna betur, úr þeim upplýsingum sem hann hefur numið en skemmtileg rannsókn sýndi fram á að niðurstöðurnar eru nokkuð áberandi. 

Í skýrslu frá Neurobiology of Learning & Memory kemur fram að vísindamenn við Saarland-háskólann í Þýskalandi fundu út að heilinn vinnur mun betur úr upplýsingum ef fólk leggur sig í stutta stund.

Í rannsókninni var hópur sjálfboðaliða fenginn til að hlusta á 90 orð og 120 orðasamstæður sem erfitt var að setja í samhengi, orð eins og til að mynda „leigubíll mjólk“.

Að þessu loknu fór helmingur þátttakenda og lagði sig í 45 mínútur meðan hinn helmingurinn horfði á DVD. 

Að blundi loknum mundi hópurinn sem lagði sig talsvert fleiri orðasamsetningar en sá sem horfði á myndina. 

Betri eftir blundinn

Axel Mecklinger, prófessor við háskólann, sagði að minni þeirra sem lögðu sig hefði hins vegar verið jafngott fyrir og eftir blundinn. Með öðrum orðum; blundurinn gerði að verkum að eiginleikinn að muna hélst stöðugur.

„Svo þetta sé hárrétt þá batnaði ekki minni þeirra sem lögðu sig heldur var það jafngott fyrir og eftir blund. 

Axel Mecklinger vill meina að blundurinn bæti minnið. de.academic.ru

• Blogga um frétt