Víkingaaðferðin: Svava í herferð íþróttavörurisa

Svava Sigbertsdóttir, líkamsræktarþjálfari og stofnandi The Viking Method æfingakerfisins, var í Tyrklandi á dögunum við myndatökur fyrir Hummel. Alþjóðlegi íþróttafatarisinn flaug með hana þangað til þess að taka myndir af henni en Svava verður í forgrunni í næstu auglýsingaherferð fyrirtækisins í Tyrklandi. Munu myndatökurnar hafa staðið yfir í fjóra daga.

Teknar voru myndir af Svövu á Topkapi-brúnni, fyrir framan Hagia Sophia-safnið í Istanbúl, Bláu moskuna í sömu borg og á einkaströnd fyrir utan borgina. Svava fór einnig í viðtal hjá FHM Magazine, sem er mjög vinsælt tímarit í Tyrklandi.

mbl.is