Þessi gómsæta uppskrift að vegan epla- og kanilmúffum er bæði einföld og þægileg. Uppskriftina má finna á heimasíðunni HouseVegan en þar er að finna marga girnilega vegan rétti. Úr einni uppskrift koma um það bil tólf múffur. 

Kurl ofan á múffurnar

• 3 matskeiðar hveiti
• 3 matskeiðar sykur
• 1 matskeið púðursykur
• ¼ teskeið kanill
• 2 matskeiðar vegan smjör

Innihald

• 1 ¼ bolli hveiti
• 1 teskeið kanill
• 1 teskeið lyftiduft
• ¾ teskeið matarsódi
• ¼ teskeið salt
• ¼ bolli síróp
• 6 matskeiðar púðursykur
• ½ bolli brætt vegan smjör
• ½ bolli eplasósa
• 1 ¼ teskeið vanilludropar
• 2 matskeiðar haframjólk

Leiðbeiningar

1. Hitaðu ofninn upp í 175°C og settu olíu í múffuformin.
2. Til þess að búa til kurlið ofan á múffurnar er best að byrja á því að blanda saman hveitinu, hvíta sykrinum, púðursykrinum og kanilnum. Notaðu síðan fingurna og blandaðu vegan smjörinu við þurrblönduna.
3. Næst tekur þú aðra skál og hrærir saman hveiti, kanil, lyftidufti, matarsóda og salti.
4. Því næst tekur þú aðra minni skál og blandar í hana hlynsírópi, púðursykri, vegan smjöri, eplasósunni, vanilludropum og haframjólk.
5. Helltu blautu blöndunni í nr. 4 yfir þurru blönduna í nr. 3 og blandaðu þeim saman.
6. Helltu blöndunni í múffuformin og settu kurlið úr nr. 1 yfir hverja og eina.
7. Bakið í 15–17 mínútur.

Uppskriftin er bæði einföld og þægileg. Ljósmynd/Skjáskot af HouseVegan

Tengdar fréttir

Uppskriftir

Engiferskot sem startar deginum

• Misskilningur að lúxusmatur þurfi alltaf að vera dýr
• Brauðrétturinn sem sló í gegn
• Fullkomið mánudags-taco
• Syndsamlega góð súkkulaðikaka

» Fleiri tengdar fréttir

• Blogga um frétt