Smartland Mörtu Maríu | Heilsa | mbl | 16.8.2019 | 15:17

Þetta gerist ef þú borðar meira af rauðrófum

Guðrún Bergmann. mbl.is/Árni Sæberg

„Rauðrófur hafa orðið vinsælar sem ofurfæða á undarförnum árum, vegna rannsókna sem benda til að rauðrófur, duft úr þeim og rauðrófusafi geti bætt árangur líkamsræktarmanna, lækkað blóðþrýsting og aukið blóðflæði um líkamann. Rauðrófuduftið frá NOW SPORTS er unnið úr óerfðabreyttum rauðrófum, sem eru þurrkaðar. Hver skammtur af BEET ROOT POWDER, sem er 1 msk, jafngildir því 2 ½ rauðrófum,“ segir Guðrún Bergmann í sínum nýjasta pistli á Smartlandi:

HVAÐ GERA RAUÐRÓFUR FYRIR HEILSUNA?

Margar rannsóknir gefa til kynna að neysla á grænmeti eins og rauðrófum, dragi úr hættu á ofþyngd, sykursýki og hjartasjúkdómum. Auk þess sé grænmetisneysla góð fyrir heilbrigða húð og hár, aukna orku og léttari líkama. Vísindamenn við Wake Forest háskólann í Bandaríkjunum uppgötvuðu að rauðrófusafi (rauðrófuduft + vatn) getur aukið súrefnisflæði til heilans og þar með hægt á heilabilun hjá þeim sem af henni þjást.

HJARTAÐ OG BLÓÐÞRÝSTINGUR

Í vísindarannsókn sem birt var í Hypertensiontímaritinu, kom fram að blóðþrýstingur þátttakenda í rannsókninni lækkaði verulega eftir að þeir neyttu 500 ml af rauðrófusafa. Niðurstaðan benti til þess að það væri vegna þess hversu mikið er af nítrati í rauðrófusafa. Niðurstöðurnar bentu líka til þess að rauðrófur og rauðrófusafi gætu verið náttúruleg og ódýr leið til að draga úr hættu á hjartasjúkdómum og lækka blóðþrýsting, í stað þess að setja alla á lyf.

SYKURSÝKI

Rauðrófur innihalda andoxunarefni sem kallast alpha-lipoic acid, sem getur stuðlað að lækkun á glúkósa, aukið insúlínnæmi og komið í veg fyrir oxandi streituáhrif hjá þeim sem eru með sykursýki. Að auki getur alpha-lipoic acid haft jákvæð áhrif á úttaugakerfið.

MELTINGIN OG BÓLGUR

Í rauðrófum er mikið af trefjum, en þær stuðla að góðri og reglulegri hægðalosun. Í rauðrófum er einnig kólín, sem er mikilvægt næringarefni sem stuðlar að betri svefni, vöðvahreyfingum, auðveldar nám og eykur minnisgetu. Kólín stuðlar líka að því að viðhalda formgerð frumuhimnanna, hjálpar til við sendingu taugaboða, á þátt í upptöku á fitu og dregur úr krónískum bólgum.

ÆFINGAR OG ÁRANGUR Í ÍÞRÓTTUM

Í ljós hefur komið við rannsóknir að rauðrófusafar (rauðrófuduft + vatn) bæta súrefnisupptöku vöðva við æfingar og geta aukið æfingaúthald þeirra sem stunda íþróttir. Að auki geta þeir sem eru með hjarta- og æðasjúkdóma, öndunarfæra- eða meltingarsjúkdóma, bætt mjög dagleg lífsgæði sín með því að auka súrefnisupptöku með rauðrófusafa.

BEET ROOT POWDER er vara mánaðarins í Hverslun.is og því á afsláttarverði. Duftið er tilvalið fyrir alla þá sem eru að hjóla eða hlaupa í þessum mánuði eða stunda íþróttir að staðaldri. Einnig fyrir þá sem eru með hjarta- og æðasjúkdóma, öndunarfærasjúkdóma eða meltingarvandamál.

Guðrún Bergmann hefur í rúm fjögur og hálft ár haldið stuðningsnámskeið við HREINT MATARÆÐI hreinsikúrinn, sem rúmlega sextán hundruð manns hafa sótt.
www.gudrunbergmann.is