Á vefmiðlinum Lifðu Núna er áhugavert viðtal við Þóru Hallgrímsson, eiginkonu athafnamannsins Björgólfs Guðmundssonar. Í viðtalinu ræðir Þóra, sem fagnaði níutíu ára afmæli sínu nýverið, um mikilvægi þess að takast á við lífið af æðruleysi og að við reynum að vera til staðar fyrir þá sem þurfa á því að halda. 

Þóra segir að bestu ráðin sem hún geti gefið öðrum sé að njóta lífsins og að setja athyglina á björtu hliðarnar í lífinu. 

„Lífið býður okkur upp á svo mismunandi aðstæður á mismunandi tímum. Stundum hef ég hikað og hugsað með mér: Ah, þetta er nú aðeins of mikið og hvað er nú ætlast til að ég læri af þessu? En þegar frá líður hefur yfirleitt komið í ljós að ég hef getað sagt við sjálfa mig: Já, það var sannarlega gott að ég upplifði þetta þótt það hafi verið erfitt meðan á því stóð.

Maður sér það bara ekki á meðan hlutirnir eru að gerast en öll él birtir upp um síðir. En um leið og ég segi það veit ég að auðvitað komast ekki allir farsællega út úr lífinu. Það eru til aðstæður sem við ráðum ekki við. En vonandi erum við svo lánsöm hér á Íslandi að geta hjálpað þeim sem þurfa á því að halda. Ég hef sjálf verið heppin.“

Þóra segir að í gamla daga hafi hún verið uppteknari af því að halda líkamanum sterkum og liðugum í leikfimi en nú hugsi hún meira um að halda höfðinu í góðu lagi. 

„Ég passa samt vel að hreyfa mig daglega, fer gjarnan í göngutúra í nágrenninu því þá líður mér miklu betur í líkamanum.“

Tengdar fréttir

Heilsurækt

Hreyfing gæti verið lykillinn að betri líðan

• Svona er morgunrútínan hjá Kleina
• „Mér var ekkert sérstaklega illa við þessi aukakíló“
• Er gerjaða plóman nýjasta heilsuæðið?
• Hreppti þrjá Íslandsmeistaratitla eftir þrettán ára pásu og fjögur börn

» Fleiri tengdar fréttir

• Blogga um frétt