Margrét Bjarnadóttir útbjó rauðrófu-carpaccio fyrir Jólablað Morgunblaðsins. 

Rauðrófu-carpaccio

Aðferð

Setjið salt, eggjahvítur, hveiti, rósmarín og 90 ml af vatni í matvinnsluvél og blandið. Bætið afganginum af vatninu við þar til þétt deigkúla myndast en passið að hún verði ekki of klístruð. Mótið kúlu með deiginu, plastið og geymið í tvær klukkustundir

Hitið ofninn í 170°C. Skrúbbið rauðrófuna varlega og skolið

Rúllið deiginu út og hyljið hverja og eina rauðrófu í því. Deigið á að hylja alla rauðrófuna.

Bakið í 1½ klukkutíma. Þegar rauðrófan er tilbúin, brjótið þá skelina utan af og leyfið að kólna.

Vinaigrette

Aðferð

Dijon, edik og salt hrært saman.

Olíunni hellt í mjórri bunu og hrært stöðugt á meðan með písk.

Gljái

Aðferð

Öllum hráefnum blandað saman í pott og soðið niður um helming (blandan á að vera þykk).

Annað

Aðferð

Byrjið á því að búa til salthjúpinn fyrir rauðrófuna og baka hana inni í ofni.

Búið til vinaigrette og gljáann á meðan rauðrófan bakast í ofninum.

Þeytið geitaostinn og smakkið til með salti og hunangi.

Ristið heslihnetuskífurnar á pönnu eða í ofni.

Þegar rauðrófan er tilbúin og búin að kólna aðeins skal skera hana í örþunnar sneiðar í mandolíni og stinga út í hringi með útstungujárni. Skerið einnig peruna í mandólíninu.

Gott er að raða hringjunum saman á smjörpappír og pensla síðan með gljáanum.

Næst skal taka matskeið af geitaosti og setja á disk og raða síðan rauðrófu og peru ofan á í fallegan hring.

Blanda vinaigrettunni saman við klettasalatið og setja ofan á rauðrófurnar.

Að lokum skal setja ristuðu hneturnar og rífa piparrót yfir með fínu rifjárni.