Anna Kristjáns: 16 kíló farin á 90 dögum

Vélstjórinn Anna Kristjánsdóttir nálgast markmið sitt óðum en hún stefnir á að léttast um 22 kíló fyrir lok árs. Anna, sem býr á Tenerife, birti fyrir-og-eftir-myndir af sér í dag, þriðjudag, og greindi frá því að á 90 dögum hefði hún lést um næstum því 16 kíló. 

Anna segist hafa fitnað mikið í útgöngubanni á Tenerife. Hún er dugleg að fara út að ganga og klífa fell og fjöll á Tenerife. Hún þvertekur fyrir að lifa meinlætalífi. Hún borðar nautasteik eða lambasteik að minnsta kosti einu sinni í viku, kjúkling kannski tvisvar í viku og fisk um það bil tvisvar í viku. Unnar kjötvörur eru einnig af og til á boðstólum í Paradís eins og Anna kallar gjarnan Tenerife.

„Það er ekki margt sem ég neita mér um, þá helst brauð og bjór, en kartöflur og hrísgrjón læðast stundum á diskinn en í mjög litlum mæli. Á 90 dögum eru þannig farin nærri sextán kíló og er ég þó langt í frá að deyja úr hungri,“ skrifar Anna í pistli á Facebook. 

Frétt af mbl.is

Anna Kristjáns er búin að léttast um 8,9 kíló

Hér má lesa pistil Önnu í heild. 

• Blogga um frétt