Game of Thrones-stjarnan Kit Harington telur það hafa verið rétta ákvörðun að fara í meðferð eftir að Game of Thrones lauk göngu sinni. Hann segir þættina hafa tekið mikið á sig andlega. 

Harington lagðist inn á meðferðarstöðina Pricé-Swiss í maí 2019 og sótti sér hjálp vegna kvíða og áfengisvanda. Hann fór inn rétt áður en lokaþáttur Game of Thrones fór í loftið.

„Ég gekk í gegnum mikla andlega erfiðleika eftir Thrones, sérstaklega undir lok þáttanna og í endann satt best að segja. Og ég held að það hafi verið beinar afleiðingar af þáttunum og því sem ég hafði verið að gera í mörg ár,“ sagði Harington í viðtali í The Jess Cagle Show. 

Harington fór með hlutverk Jons Snows í Game of Thrones í öllum átta seríunum. Hann segist hafa séð að hann þyrfti að stíga á bremsuna, taka athyglina af frama sínum og frægð og hugsa um heilsuna. 

„Ég tók eiginlega svona frí eftir þættina. Ég vann ekki í ár eftir það og hugsaði bara um sjálfan mig. Ég er mjög ánægður með að hafa gert það,“ sagði Harington. 

Skömmu áður en Harington fór í meðferð var honum hent út af bar í New York vegna ölvunar. 

Frétt af mbl.is

Harington leitar sér hjálpar

Rose Leslie og Kit Harington. AFP

Tengdar fréttir

Edrúland

Herra Hnetusmjör fagnar átta árum edrú

• Patrekur Jaime edrú í eitt ár
• „Ég var vel virkur alkóhólisti“
• Fagnar átta ára edrúafmæli í Dublin
• Emmsjé Gauti edrú í fimm ár

» Fleiri tengdar fréttir

• Blogga um frétt