Starfs­menn Land­spít­ala gætu fengið val­kvíða þegar þeir velja sér jóla­gjöf í ár, en alls hafa starfs­menn­irn­ir úr sex gjafa­bréf­um að velja. Þá geta þeir einnig valið að gefa upp­hæðina til Mæðra­styrksnefnd­ar. Jóla­gjafa­nefnd Land­spít­ala sendi starfs­mönn­um sín­um gjöf­ina í tölvu­pósti í gær.

Jóla­gjaf­ir Land­spít­ala til starfs­fólks vöktu mikla at­hygli á síðasta ári en þá var um að ræða 7.000 króna gjafa­bréf í skó­búðinni Skechers og súkkulaði frá Omnom. Þótti mörg­um lítið til jóla­gjaf­ar­inn­ar koma sem Land­spít­al­inn sendi starfs­fólki sínu, sem staðið hef­ur í fram­lín­unni í bar­átt­unni við kór­ónu­veirufar­ald­ur­inn. 

Frétt af mbl.is

Hetj­ur far­ald­urs­ins fá 7.000 krón­ur í skó­búð

Í ár geta starfs­menn valið um 14.000 króna gjafa­bréf hjá Sky Lagoon, 12.000 krón­ur hjá Best­sell­er, 9.000 krón­ur hjá Sæl­kera­búðinni, 12.000 hjá Cinta­mani, 12.475 krón­ur hjá FlyO­ver Ice­land eða 14.990 krón­ur hjá Zipline – Ævin­týri í Vík í Mýr­dal. Þá geta þeir einnig valið að gefa Mæðra­styrksnefnd gjöf­ina sína, 7.000 krón­ur. 

Starfs­menn Land­spít­ala eru að sögn Gunn­ars Ágústs Bein­teins­son­ar, fram­kvæmda­stjóra mannauðsskrif­stofu Land­spít­ala, mjög ánægðir með gjöf­ina.

Tengd­ar frétt­ir

Jóla jóla ...

Örn Árna­son held­ur jól­in á fjar­læg­um og fram­andi slóðum

• Ragn­ar Þór hélt jól­in fyrr en vana­lega
• Með pappa­spjald fyr­ir kló­sett­h­urð
• „Ég hef haldið í það að vera á Íslandi um jól­in“
• „Við erum að skapa heim­ilið, það er búið að ganga á miklu, barn á leiðinni“

» Fleiri tengd­ar frétt­ir

• Blogga um frétt