Ein eftirsóttasta fyrirsæta í heimi í dag, Bella Hadid, setti tappann í flöskuna fyrir hálfu ári. Hadid segir að hún hafi átt erfitt með að stjórna áfengisneyslu sinni. Hún segir ekki þess virði að líða illa andlega eftir nokkur vínglös. 

Hadid segir í viðtali á vef Instyle að hún hafi drukkið nóg í gegnum tíðina. „Ég elskaði áfengi og staðan var orðin þannig að ég var byrjuð, þú veist, að hætta við að fara út vegna þess að mér leið eins og ég gæti ekki haft stjórn á mér,“ sagði Hadid. Eftir að fyrirsætan fór í rannsóknir á heila sá hún svart á hvítu hvaða áhrif áfengi hefur á heilann og þá varð töluvert auðveldara að hætta að drekka. 

Hadid sér ekki fyrir sér að byrja að drekka aftur. 

„Ég finn ekki þörfina af því að ég veit hvernig mér líður klukkan þrjú um nótt þegar ég vakna með hræðilegan kvíða yfir einhverju sem ég sagði fyrir fimm árum þegar ég útskrifaðist úr menntaskóla,“ sagði Hadid. Hún segir andleg áhrif þess að drekka nokkur glös ekki vera þess virði. 

Bella Hadid er ein þekktasta fyrirsæta í heimi í dag. AFP

Fyrirsætan hefur áður opnað sig um andlega erfiðleika frá unglingsaldri. Kvíðaröskunin sem hún glímir við getur aftrað henni í leik og starfi. Hún finnur stundum fyrir kvíða þegar hún klæðir sig og þarf að koma sér út úr húsi en líka í vinnunni. „Ég vil að þið vitið að þó að allt líti út fyr­ir að vera full­komið á In­sta­gram þá erum við öll bara mann­eskj­ur að fást við sömu hlutina,“ sagði stjarnan nýlega. 

Frétt af mbl.is

Á oft erfitt með að komast fram úr á morgnana

Tengdar fréttir

Edrúland

„Það var aldrei planið að fara þessa leið en sem betur fer gerði ég það“

• „Þau skutluðu mér í Konukot og þar tók ég út fráhvörfin“
• Herra Hnetusmjör fagnar átta árum edrú
• Patrekur Jaime edrú í eitt ár
• „Ég var vel virkur alkóhólisti“

» Fleiri tengdar fréttir

• Blogga um frétt