Söngkonan Bebe Rexha er orðin þreytt á óumbeðnum athugasemdum og áhuga fólks á líkama sínum og þyngdarsveiflum. Rexha deildi skjáskoti með fylgjendum sínum á Twitter sem hún tók af síðunni TikTok sem sýnir myllumerkið #beberexhaweight sem eitt það vinsælasta og umtalaðasta á síðunni. 

„Að sjá þetta er mjög svo pirrandi,“ skrifaði Rexha í tístinu sem hún deildi hinn 16. apríl síðastliðin. Hún hélt áfram og sagði: „Ég er ekki reið yfir þessu þar sem þetta er satt. Ég þyngdist. En það er bara leiðinlegt að það skipti svona miklu máli. En ég þakka öllu því fólki sem elskar mig, sama hvað.“

Færslu Rexha var mætt með stuðningi frá aðdáendum og skrifaði einn: „Ég veit ekki hvort við munum nokkurn tímann komast á þann stað sem samfélag þar sem fólk gætir velsæmis og hættir að benda á eða gagnrýna þyngd/líkama einhvers annars. Ég vildi svo sannarlega sjá það gerast einn daginn. Þú ert falleg, ungfrú Rexha!“

Tengdar fréttir

Líkamsvirðing

53 ára og sýnir ör, húðslit og appelsínuhúð á nýjum myndum

• „Bjóst aldrei við því að líkaminn myndi líta svona út eftir fæðingu“
• Halle Berry nakin á mæðradaginn
• „Kim Kardashian er ömurlegasta fyrirmynd kvenna“
• Bresk stjarna varar við fitusogi

» Fleiri tengdar fréttir

• Blogga um frétt