Spiderman-leikarinn Tom Holland hefur verið edrú í eitt ár og fjóra mánuði. Hann segir tilfinningaþrungið verkefni hafa verið upphafið á vegferð hans að bættri andlegri heilsu. 

Nýjasta verkefni Hollands eru þættirnir The Crowded Room þar sem hann leikur ungan mann, Danny Sullivan, sem lendir í vandræðum eftir að hafa verið handtekinn fyrir glæp sem hann framdi ekki. 

„Að læra um geðheilsu og kraftinn sem fylgir henni og tala við geðlækna um baráttu Danny hefur verið virkilega upplýsandi fyrir mig og mitt líf,“ sagði hann í samtali við Entertainment Weekly.

Segir andlega þáttinn hafa tekið mikið á

Holland segist vera vanur líkamlegu erfiði sem fylgir starfi hans, enda er hann líklega hve þekktastur fyrir hlutverk sitt í hasarmyndinni Spiderman. „En andlegi þátturinn, það tók virkilega á og það tók mig langan tíma að jafna mig eftir hlutverkið og komast aftur í raunveruleikann,“ útskýrði Holland.

Eftir níu mánuði í tökum áttaði Holland sig á því að hann þyrfti að slíta sig frá hlutverkinu vegna heilsu hans og hefur nú verið án áfengis í eitt ár og fjóra mánuði.

Tengdar fréttir

Edrúland

„Það var aldrei planið að fara þessa leið en sem betur fer gerði ég það“

• „Þau skutluðu mér í Konukot og þar tók ég út fráhvörfin“
• Herra Hnetusmjör fagnar átta árum edrú
• Patrekur Jaime edrú í eitt ár
• „Ég var vel virkur alkóhólisti“

» Fleiri tengdar fréttir

Andleg heilsa

Þeir sem þola ekki kæki gætu þjáðst af misokinesia

• Er vont að vera einhleypur of lengi?
• Af hverju er svona gott að kreista bólur?
• Þegar fólk leitar frekar til miðla en sálfræðinga
• Listaverk unnin í maníu og depurð

» Fleiri tengdar fréttir

• Blogga um frétt