Á dögunum varð leikkonan Sofia Vergara 51 árs og naut afmælisdagsins til hins ýtrasta á snekkju á Ítalíu. Vergara er þekkt fyrir að geisla af fegurð og vera í hörkuformi, en hún birti sjóðheitar sundfatamyndir í tilefni dagsins og óhætt að segja að aðdáendur hafi verið hæstánægðir með leikkonuna. 

Svo virðist sem Vergara hreinlega eldist aftur á bak, en hún hefur sjaldan litið betur út en í dag. Leikkonan er með nokkur góð fegrunarráð sem hún fylgir til þess að halda í æskuljómann. 

Nýtur þess ekki að hreyfa sig

Vergara hefur oft viðurkennt að hafa ekki gaman af því að hreyfa sig. Hún veit þó hve mikilvæg regluleg hreyfing er fyrir heilsuna og kýs því að mæta á æfingar undir leiðsögn einkaþjálfara tvisvar til þrisvar í viku, en hver æfing er um það bil klukkutími að lengd. 

Þar sem leikkonunni líður afar vel í vatni þykir henni gaman að stunda hreyfingu í sundi. Þar að auki er hún dugleg að fara í pílates, jóga og stundar einnig dans.

Elskar makkarónur og kökur

Mataræði leikkonunnar samanstendur aðallega af kjúklingi, fiski, ávöxtum og grænmeti. Fram kemur á vef Style Craze að hún hafi þó mikið dálæti á sætindum eins og makkarónum og kökum. Hún passar svo að sjálfsögðu að drekka nóg af vatni yfir daginn og sérstaklega þegar hún ferðast. 

Tengdar fréttir

Heilsurækt

Courtney Cox kom út úr frystinum

• Sneri blaðinu við eftir föðurmissi
• „Ég viðurkenni að það var alveg stress í maganum“
• Færð þú verk í hnéð við að ganga upp bratta?
• Hvernig er best að forðast gjörunnin vítamín og bætiefni?

» Fleiri tengdar fréttir

• Blogga um frétt