Eilífðartöffarinn Rick Springfield, sem gerði garðinn frægan árið 1980 með laginu Jessie's Girl, er afar þakklátur eiginkonu sinni, Barböru Porter, en söngvarinn segir hana ómissandi hluta af lífi sínu og ástæðuna fyrir því að hann sé í toppformi, 73 ára. 

Springfield er í viðtali í nýjasta tölublaði People þar sem hann ræðir meðal annars um líkamlegt ástand sitt en söngvarinn er við góða heilsu, með einstaklega öfluga magavöðva og sannar að aldur sé bara tala. 

„Ég æfi á hverjum degi og fylgist vel með því sem ég borða,“ segir Springfield, sem var um tíma grænkeri en borðar í dag fiskmeti ásamt grænmeti og ávöxtum. 

„Ég er ekki góður kokkur“

Söngvarinn hefur verið giftur eiginkonu sinni, Barböru Porter, í nær 40 ár og segir hana ótrúlegan kokk. „Hún er mögnuð. Ég er ekki góður kokkur. Þegar ég var einhleypur sauð ég stóran pott af hýðishrísgrjónum, saxaði lauk og bætti einn dós af túnfisk út á. Ég lifði á því og bökuðum kartöflum í mánuð. Barbara eldar þessa ótrúlegu hluti, hún elskar að elda og heldur mér í formi,“ útskýrir Springfield. 

Söngvarinn heldur af stað í tónleikaferðalag, I Want My 80s, á föstudag. 

Tengdar fréttir

Heilsurækt

Færð þú verk í hnéð við að ganga upp bratta?

• Hvernig er best að forðast gjörunnin vítamín og bætiefni?
• 6 leiðir til að dafna enn frekar
• „Það skiptir miklu máli að vera með sterkan haus í hlaupum“
• „Ef hugarfarið þitt er gott þá mun það alltaf hjálpa til“

» Fleiri tengdar fréttir

• Blogga um frétt