Smartland Mörtu Maríu | Heilsa | mbl | 29.11.2023 | 11:21 | Uppfært 13:26

Þetta gerir Jana til þess að verða sjaldan veik

Kristjana Steingrímsdóttir heilsukokkur og heilsumarkþjálfi flutti til Lúxemborgar 2007. Þar kviknaði áhuginn á heilsutengdum málefnum. Hún sökkti sér ofan í hráfæði og segist hafa prufað allar tegundir að mataræði. Í heilsuþáttum sem unnir eru í samvinnu við Feel Iceland segir hún frá því að núna borði hún allt en sé þó alltaf með hollustu í forgrunni. Jana, sem rekur vefinn, jana.is, segist drekka mikið af heimagerðum engiferskotum til þess að passa upp á að fá ekki flensur.

„Það er mikilvægt að eiga alltaf engiferskot í ísskápnum. Það er hreinsandi og bólgueyðandi engiferið, geggjað í öllum þessum pestum.“

Þú verður aldrei veik?

„Mjög sjaldan.“

Engifer og kollagen skot

Safi úr 1 sítrónu
Væn fersk engiferrót, um það bil 8 cm, þrifin (ég helli sjóðandi vatni yfir og læt þetta liggja í nokkrar mínútur, skrúbba og hef hýðið á)
750 ml vatn
2-3 msk. hunang eða hlynsýróp (má alveg sleppa)
2 -3 msk Feel Iceland collagen duft
Pínu svartur pipar

Aðferð:

Allt sett í blandara og blandað mjög vel saman.

„Flestum finnst gott að sigta mesta hratið frá og geyma þannig í flösku inni í ísskáp. Ég mæli með því að frysta hratið og nota í þeytinga eða setja í tegrisju og hella heitu vatni yfir því þá getur fólk fengið ferskt engiferte,“ segir Jana.

Hristið flöskuna vel og fáið ykkur skot a morgnana.

Geymist í allt að viku í ísskáp.