Margir þurfa að huga að þyngdinni með meðvituðum hætti og prófa ýmsa kúra í því skyni. US News & World tók saman lista yfir bestu og verstu kúrana fyrir árið 2024 en listinn er byggður á einkunnagjöf valinna heilsu- og næringarsérfræðinga sem sérhæfa sig einna helst í sykursýki, hjartaheilsu og þyngdartapi. Hver kúr var metinn út frá næringarviðmiðum, áhættuþáttum og ávinningum fyrir heilsu og hvort hægt sé að viðhalda lífsstílnum til langs tíma. 

Besti kúrinn reyndist vera miðjarðarhafs matarræðið sem einblínir á næringarríkan og fjölbreyttan mat. Grænmeti, hnetur, fiskur og kjúklingur er meðal þess sem neytt er á þessu matarræði. Aðrir góðir kúrar voru DASH-kúrinn, MIND-kúrinn og Mayo Clinic-kúrinn.

Neðst á listanum er hráfæðiskúrinn sem gengur út á það að borða eingöngu mat sem hefur ekki verið eldaður og er í sínu náttúrulegasta formi án aukaefna. Helsti ókostur þessa matarræðis er að hann takmarkar fæðu sem getur almennt talist næringarrík. Það er til dæmis oft auðveldara fyrir líkamann að fá næringu úr mat eftir að hann hefur verið eldaður. Þá er erfitt að fá nægt prótín með þessu matarræði og nægar hitaeiningar. Takmarkanirnar eru því margar og það er töluvert erfitt að viðhalda þessum lífsstíl til langs tíma. Aðrir kúrar sem lentu neðarlega á listanum voru meðal annars Herballife-kúrar, Dukan-kúrinn og Atkins-kúrinn.

Tengdar fréttir

Heilsa og mataræði

Mataræðið sem gefur húðinni ljóma

• Leynihráefnið í uppáhaldspitsu Margrétar
• Guðdómlegir haustréttir Sollu og Hildar sem fanga bragðlaukana
• Heilsudrykkirnir hennar Unnar
• Vil ég raunverulega skilja eða er þetta breytingaskeiðið?

» Fleiri tengdar fréttir

• Blogga um frétt