Er hægt að læknast af kvíða?
Setja bókamerki
Tinna Rut Torfadóttir sálfræðingur á Sálfræðistofunni Sálarlíf svarar spurningum lesenda Smartlands. Hér fær hún spurningu frá konu sem veltir fyrir sér hvort hægt sé að læknast af kvíða.
Sæl
Er hægt að læknast af kvíða?
Kveðja, Sigga
Sæl Sigga.
Kvíði getur verið gagnlegur og nauðsynlegur fyrir okkur og því tölum við ekki um að læknast af kvíða eða losna við hann. Við viljum frekar ná stjórn á kvíðanum, þannig að hann verði ekki of mikill og fari að stjórna/hamla okkur. Það getur verið hjálplegt að finna fyrir smá kvíða fyrir próf sem gerir það ef til vill að verkum að við undirbúum okkur betur fyrir prófið. En á sama tíma getur það verið hamlandi fyrir okkur að finna fyrir óstjórnlegum kvíða sem veldur því að við förum að finna fyrir líkamlegum kvíðaeinkennum og/eða reynum að koma okkur undan því að mæta í prófið.
Hugræn atferlismeðferð (HAM) er árangursrík meðferð í þeim tilgangi að hjálpa einstaklingum (börnum og fullorðnum) að ná stjórn á kvíðanum sínum. Meðferðin er tvíþætt, unnið er með hugsanaskekkjur annars vegar og berskjöldun (takast á við óttann með því að mæta honum) hins vegar. Þó ber að hafa í huga að börn þurfa að hafa náð ákveðnum þroska áður en hægt er að vinna með þau á þennan hátt, þau eiga oft erfitt með að skoða hugsanir sínar og skilja tengslin á milli hugsana og tilfinninga. Einnig er það sem svo að atburður/hlutur sem er kvíðavaldandi fyrir einn einstakling veldur ekki endilega öðrum einstaklingi kvíða. Einnig er ekki víst að sami atburðurinn valdi okkur ítrekað kvíða. Hugsanir okkar og túlkanir á atburðinum stjórna því hvernig okkur líður. Við finnum fyrir kvíða ef túlkun okkar á aðstæðunum gefur til kynna að ástæða sé til að óttast eitthvað.
Vona að þetta svari spurningu þinni.
Bestu kveðjur,
Tinna Rut Torfadóttir sálfræðingur
Liggur þér eitthvað á hjarta? Þú getur sent Tinnu Rut spurningu HÉR.
Hraunið náð Njarðvíkuræð: Fylgjast með raflínu
Hluti bílastæðis undir hraun: Ómögulegt að meta tjón
„Má segja að þetta gos hafi þjófstartað“
Virknin dregist saman um 600 metra
„Erum í miðri hrinu“: Styttist í Eldvörp
Líklega komin á seinni hluta hrinunnar í Svartsengi
Mæðgur dæmdar til að greiða 64 milljónir
Fullvissa ferðamenn um að hér sé öruggt
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
endurskoðandi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál
lýtalæknir svarar spurningum lesenda